BAB. Bilboko Azoka Beganoa. Feria vegana de Bilbao

A1 oraindik bero antzera dugula, aprobetxatu nahi dugu borroka antiespezistari beste bultzadatxo bat emateko jardunaldi fresko batekin: Bilboko Beganismoaren Jaialdia.

BAB edo Bilboko Azoka Beganoa azaroaren 27an egingo dugu Espacio 600 aretoan, Zorrotzaurren. Egun osoko ekitaldia izango da, eta, bertan, antiespezismoaren inguruan irakatsi eta ikasi ahal izango dugu, baita musikaz, arteaz eta gastronomiaz disfrutatu eta lagunartean gozatu ere, animalien askapenaren aldeko mugimenduari ikusgarritasuna eman bitartean.

Zehazki, kolektibo antiespezisten eta animalientzako santutegien hitzaldiak izango ditugu, artisten erakusketak, kontzertuak, eta, gainera, animalien ustiapenik gabeko produktuak saltzen dituzten tokiko saltokiak ere gonbidatu ditugu.

Datozen egunetan, BABeko gonbidatuak eta ekintzak aurkeztuko dizkizuegu. Egon adi!