Zatoz BABera! Hauxe aurtengo programazioa

BABaren 3. edizioak ohiko hitzaldi, informazio-mahai eta salmenta puntu sortari Flash Tattoo eta pintxo-poteo solidarioa erantsi dio. Horrez gain, tailerrak izango dira txikitxokoan, baita arte erakusketak, artisautza, etab.

Hitzaldien artean, goizean, Zaunk talde antiespezista nafarrak euren fanzine berria aurkeztuko digu eta Futuro Vegetaleko aktibista klimatikoek protestei lotutako lege kontuak azalduko dizkigute. Bazkalordua, Xabier Delete bikote musikalak girotuko du.

Arratsaldean, Kimmy Obongonyinge aktibista klimatiko eta antiarrazistak beganismo beltzari buruz hitz egingo digu; segidan, Frasco aktibista antiespezistak Palestinan sionismoak animalismoaz egiten duen erabilera azalduko digu, baita bertako animalia santutegien berri ere emango digu. Jardunaldia amaitzeko, La última embestida/Azken oldarra plataformak Bilboko antitaurinismoaren historiaren eta orainaren berri emango digute, eta animalien sufrimendurik gabeko jaiak aldarrikatuko dituzte. Ixteko, DJ Marciuk pintxada eskainiko du.