Beste BAB! Beste BAB!

Jende andana, eta partaidetza anitza eta bizia Bilboko Azoka Beganoan

BABaren 3. edizioak publiko errekorra hautsi du aurreko edizioekiko, eta, garrantzitsuena dena, gerturatutakoek giro etxekoia eta partehartzailea sortu dute: hitzaldietan hitza hartu, postuetako pertsonekin erlazionatu, santutegientzako diru bilketan euren aletxoa jarri… Antolakuntzako kideok ezin dugu harroago egon. 

Horrez gain, flash tattoo eta pintxo solidarioak erabateko arrakasta izan dira. Hakuna Matata, Bihotzetik eta Roke Enea santutegientzako diru bilketak, hortaz, aurreikuspenak bete ditu. 

Txiki Txokoan ere giro ederra izan zen egun osoan zehar, eta haurrentzako tailerrak arrakastarako giltzetako bat direla konturatu gara.

Publikoaren emaitza positiboek indarberritu egiten gaituzte hurrengo BAB prestatzeko, betiere, zuon iradokizunei entzunez.

Bihotzez sentitzen dugu Futuro Vegetaleko kideek pairatutako atxiloketa. Tamalez, ezin izan genuen euren hitzaldiaz gozatu; hutsunea aldarrikapen batekin ordeztu genuen. Zuen ekarpena espero dugu hurrengo BABerako, FV!

Amaitzeko, gure eskerrik beroenak hizlariei, postutxoak muntatu zituzten pertsonei, sukaldariei eta gerturatu zinetenoi. Zuek gabe BAB ez litzateke posible izango. Hurrengo BABera arte!