NORTZUK GARA

Bilboko kolektibo antiespezista

Animalistak Bilboko talde antiespezista bat da, eta animalien askapena lortzeko lan egiten du. Ekintzak antolatzen ditugu gizartea kontzientziatzeko, sentsibilizatzeko eta gehiegikeriak salatzeko. Gure helburuetako batzuk dira animalien eskubideak urratzen dituen gizarte batean bizi garela azalaraztea, jarduera zapaltzaileak desagerraraztea, antiespezismotik heztea eta gure ikuspegia pertsonengana hurbiltzea.

Urtean zehar, zenbait ekintza antolatzen ditugu. Horien artean aurki ditzakegu, esate baterako, animalien ustiapen mota guztiei buruzko informazio mahaiak eta kontzientziazio kanpainak, baita manifestazioak eta performance aldarrikatzaileak ere.

Gure antolakuntza horizontala eta asanblearioa da. Hortaz, hilero biltzen gara Animalistak kolektiboaren eta jai eremuetan darabilgun Piztiak konpartsaren aurrerapausoak zeintzuk izango diren erabakitzeko. Gainera, lantaldeak sortzen ditugu antolatu nahi ditugun proiektu zehatzak martxan jartzeko. Horrela, kolektiboki eraikitzen dugu gure txokoa eta dinamika hierarkikoak eta patriarkalak eta apurtzen ditugu, geure jarduera etengabe berrikusita.

Gure kolektibo antiespezistak funtsezkotzat du transbertsalitatea, eta, hori dela eta, edozein motatako zapalkuntzaren eta diskriminazioren aurkako mugimendua deritzogu animalien askapenari.

Guretzat, ezinbestekoa da gainontzeko kolektibo animalistekin eta antiespezistekin dugun elkarlana. Beraz, talderen baten parte baldin bazara edo gizakiz besteko animalien aldeko ekintzaren bat egingo baduzu, zein proposamenen bat baduzu, helarazi ahal diguzu.